Explore as a

He āwhina i te kōngahungahu: te whāngai i tō pēpi i rō kōpū

Dr Alys Clark (right) and Dr Joanna James (left) with their 3D models of placenta (Photo: provided)

Ka rangahau a Tākuta Alys Clark rāua ko Tākuta Joanna James o Te Whare Wānanga o Tāmaki Makaurau i te āhua o te tautoko a ngā ioio toto i roto i te kōpū ki te rerenga toto ki te whenua. Ka ahu mai pea i tēnei ko ngā utauta hou mō te whakatau me te whakamaimoa i ngā hapūtanga tino rerekē.

Published 8 November 2018

 

With Instrument 4

Dr Alys Clark (right) and Dr Jo James (left) in the Auckland Bioengineering Institute laboratory (Photo: provided)

Ka whāngai te whenua i te kōngahungahu e tipu ana mā te tuku hāora, matūkai me ngā  pūmuapare, ā, me te whakakore atu i ngā para puta noa i te hapūtanga. Ka oti tēnei mā te āta whakarerekē haere i ngā ia toto i roto i te kōpū kia nui ake te rerenga toto ki te pēpi. Ka hinga tēnei tikanga hira i roto i ngā hapūtanga 10%, ā, ko te mutunga atu ko te whāiti o te tipu o te kōngahungahu (FGR) e tino iti ai te pēpi i te whānautanga. He tino uaua rawa atu te matapae i tēnei mate me te whakatau i te wāhanga tōmua o te hapūtanga, ahakoa ngā atahanga hauora hou. He iti noa iho ō tātau mōhio ki ngā tikanga e whakahaere ana i te whanaketanga o tētahi whenua ora, nō reira kāore e kitea te nuinga o ngā hapūtanga e pāngia ana e te FGR kia whānau rā anō.

Kua whakawhiwhia a Tākuta Alys o te Auckland Bioengineering Institute rāua ko Tākuta Jo James o te School of Medicine i Te Whare Wānanga o Tāmaki Makaurau ki tētahi takuhe Pūtea a Marsden hei tūhura i ngā rerekētanga o te rerenga toto e whakaawe ana i te kaha o te whaea ki te whāngai i tana pēpi. I arotahi ngā rangahau o mua ki ngā ia toto iti i waenga i te kōpū me te whenua. Engari, e ai ki ngā tauira tatau a Tākuta Clark he wāhanga hira tō ngā ia toto nui ake mō te whakahaere i te rerenga toto ki te whenua. I roto i tēnei kaupapa, ka hangaia e te rōpū he 'kōpū mariko' hei tāwhai i ngā rerekētanga akiaki i roto i te hanganga ia toto me te whaihanga i te rere o te toto i waenga i te kōpū me te whenua.

Ka āwhina tēnei tauira i a tātau kia mārama ake ki te rerenga toto ki te kōngahungahu e tipu ana, ā, ko te tikanga ka piki te kitenga tōmua me te whakatau i te whāiti o te tipu o te kōngahungahu. Ka tautoko anō pea ēnei otinga i te waihangatanga o ngā whakamaimoatanga rerekē, whaitake mō ngā hapūtanga tino rerekē.