Ngā uatuta ipurangi me te mana raraunga: te waihanga i tētahi pūhara tātari raraunga mō Aotearoa hei tuari ki te ao
Dr Tom Elliot teaching basic data analysis using iNZight in Cook Islands (photo supplied)
Kua waiwai te raraunga hei rauemi i tēnei ao hurihuri, nō reira, he wāhanga nui tō te whai wāhi ki te raraunga me te pārongo o roto mō te raraunga pūtaiao. Ko te waihanga tēnā me te whakahou i ngā utauta raraunga, i ngā pūhara e whakangāwaritia ai mā te hunga kāore i te mōhio kia ako ai rātou i tōna ao. I Aotearoa, kua huri te pūmanawa tātari 'iNZight' kaua mō tā mātou marau tauanga mātauranga noa iho, engari, nō nā tata nei kua kite ngā umanga rangahau me ngā tari kāwanatanga i te wariu o tōna anō taiao raraunga. Heoi anō, kei te a 'iNZight' ki ngā ārai kia whakatutukihia ngā tini hiahia o ngā kaiwhakamahi, me te aha, he tōna ki te whakahou i te pūnaha mō ā mātou minenga hou, whakawhānui. Nō tēnei whakahoutanga, kua whai wāhi mātou ki te whakauru i ngā tikanga Māori mō te mana raraunga ki roto ki te puku tā mātou mahere, kia hāngai ai ki ngā taiao raraunga Māori rerekē. Tuatahi, ka waihangatia e mātou ngā utauta puna matanui e āhei ai ngā kaipūtaiao raraunga ki te waihanga taupānga tukutuku ā-raraunga, ka whakamahia ai ēnei ki te waihanga i tētahi pūhara tātaritanga kounga kia whakahou ai, kia whakawhānui ai anō hoki i taua pūmanawa 'iNZight'. Ko te mahi tahi ki Tūhono, he pakihi raraunga Māori, e whakamātauhia ai e mātou ngā utauta raraunga hou me ana āhuatanga reo māori i roto i ngā taiao raraunga Māori. Ka whakatinanahia ō mātou wheako 10 tau te roa mō te whakawhanake i te 'iNZight' kia waihangatia he pūnaha hou, kaha kē atu, herekore ka taea i ngā tini taiao, ka mutu, he nui te hunga ka whai wāhi ki te raraunga kia whai māramatanga me te kore ārai pēnei i ēnei rā. He kaihanga, he kaitūhura matua, ka tukua e tēnei kaupapa he tahua pūtea mā Dr Elliot kia puta ai ia hei kairangahau Māori e rangahau nei i te raraunga pūtaiao hei painga mō ngā motu katoa o te ao.