Matthew Scobie
2024: Ka tūhuratia e Matthew Scobie (Ngāi Tahu, Tauiwi) o Te Whare Wānanga o Waitaha i ngā tikanga hei takahuri i te ōhanga tōrangapū o Aotearoa mā ngā tikanga rangahau Māori
Nā te nui haere o te kore ōritenga me te kino haere o te taiao me hohoro te takahuri i te ōhanga tōrangapū. Mō tēnei Pūkenga, ka rangahaua e Tākuta Scobie ngā ariā mō tētahi ōhanga tōrangapū e arahina ana e Te Tiriti o Waitangi, e ōrite ai te aro ki te ōhanga, te ao tūroa, te oranga pāpori me te mātauranga. Ka āta whakamaheretia e Tākuta Scobie me te whakahaere i ngā mātai take matawhānui o te ōhanga o te Māori i mua i te taenga mai o tauiwi me nāianei hei hanga whakaaturanga mō tētahi aronga auaha hou e whai ana i ngā ariā o te ōhanga tōrangapū onāianei me ngā tikanga kaupapa Māori. E tino mōhio ana a Tākuta Scobie ki te āhua o Aotearoa – me kī, i te ao – nā tōna tino matatau ki ngā aronga ōhanga tōrangapū me ngā mātauranga iwi taketake. He mea tino rerekē tōna whāinga ki te waihanga i tētahi ōhanga tōrangapū kaupapa Māori ka mutu he nui ngā hua ka taea kaua mō Aotearoa anake, engari mō te rāngai ōhanga tōrangapū whānui.
Mōkihi on Ōtākaro by Philipp Meier (Photo: Ekant Veer)