Chris Puli'uvea
2024: ʻE fakahoko ʻe Dr Chris Puliʻuvea ʻo e Te Wānanga Aronui o Tāmaki Makau Rau ʻi he Auckland University of Technology ha fakatotolo ki ha ngaahi taʻau tukufakaholo fakatoto (genetic variant) ʻa ia ʻokú ne uesia e sōtia maluʻi ʻi he sinó pea ʻoku fakatefito ki he kakai Māori mo e Pasifika
ʻOku siʻi hono fakakau e kakai Māori mo e Pasifiká ʻi he ngaahi ʻahiʻahi fakafaitoʻo fakatuʻapuleʻangá mo e ngaahi ako fakasenōmiká (genomic). Ko hono ʻuhingá, ko e fakatupulaki ko ia ʻo e faitoʻo totonú, ʻe malava ke ʻikai hano lelei ʻoʻona ki he ongo kulupu ko ʻení. ʻOku siʻi ʻetau ʻilo fekauʻaki mo e kaunga ʻa e tukufakaholo fakatotó ki he ngaahi mahaki ʻi he kakai Māori mo e Pasifiká ʻi hono fakahoa ki he ngaahi kulupu matakali kehé, tautefito ki he ngaahi ako ki he maluʻi ʻi he sinó. ʻOku mahamahalo ʻa Dr Puliʻuvea ʻoku hoko e ngaahi taʻau tukufakaholo fakatoto ʻoku makatuʻunga ʻi he kakai Māori mo e Pasifiká, ko ha konga mahuʻinga ia ʻi he ngāue ʻa e sōtia maluʻi ʻi he sinó mo hono taʻaú. ʻE ngāue fakataha ʻa Dr Puliʻuvea mo e ngaahi kulupu Māori mo e Pasifiká ke nau faʻu ha ngaahi founga taau mo e ʻulungaanga fakafonuá, te nau ala fakaʻaongaʻi ke nau ako ʻaki e anga ʻo e fekauʻaki ʻa e taʻau tukufakaholo fakatotó mo e ngaahi fekehekeheʻaki ʻi he maluʻi fakasinó, ʻa ia ʻe lava ai ke nau maʻu e ʻilo mahuʻinga ko ʻeni ne teʻeki ke maʻú.
Dr Chris Puli'uvea (Photo: Tim Hamilton/Vision Works Photography)