Rebecca Kiddle

English

I whiwhi a Tākuta Kiddle i tōna tohu kairangi mō te Hoahoa Tāone i te tau 2011 mai i Oxford Brookes University, Ingarangi, i mua i te mahi i Royal Holloway: University of London me Xi'an Jiaotong-Liverpool University. I tōna hokinga mai ki Aotearoa i te tau 2015 i uru a Kiddle hei Pouako me te Pouako Matua i Te Herenga Waka, kātahi ka uru ia ki te tūranga Urban Development i Te Kaunihera o Te Awakairangi, kātahi ka uru ia ki te tūranga Tumuaki o Te Manawahoukura Rangahau i Te Wānanga o Aotearoa. E mōhiotia whānuitia a Tākuta Riddle i te ao, ā, he pūkenga mātauranga mātāmua nō te rāngai hoahoa tāone iwi taketake me te mātauranga tāone, ā, he māngai ia e taunaki ana kia whakaurua mai ngā tirohanga me ngā uara Māori ki te hanga mahere me te hoahoa tāone i Aotearoa.

I ētahi wā he uaua te kite i ngā painga mai i ngā mahere, te hoahoa, tae atu ki ngā hanganga o ō tātau tāone, tāone nui hoki mō ētahi tāngata, engari kaua mō ētahi atu. E aro ana ngā rangahau a Tākuta Kiddle ki te huatika whaitua, arā ko te hāpai kia tika te tohatoha i ngā rawa me ngā arawātea ki te tangata, ahakoa te takiwā e noho ana koe. Ko ngā tauira o te mana ōrite ko te kai, ngā ratonga hauora, te whai mahi rānei; te tuku pūtea puta noa i ngā hapori; me te tū pakari ki ngā pānga o te huringa āhuarangi. Ka hangaia e Tākuta Kiddle ngā rongoā ki te manarite-kore ā-whaitua e tipu haere ana i Aotearoa, mā te mōhio, te miramira, me te whakamahere i ngā wāhi e kitea ana te mana ōrite me te manarite-kore puta noa i te motu. E whiriwhiri ana te rangahau i te horopaki tātāmi o ō tātau wāhi hanga me te whai kia neke a Aotearoa ki te hanga i ngā wāhi tāone pai ake, 'tika' me te manaaki e momoho ake ai ngā tāngata katoa.

Spatially just cities offer play spaces where all tamariki can learn and thrive (Supplied)