Te Mana Raraunga Māori mō te wharenoho, te whakamahi i te mātauranga Māori hei ārahi i ngā pūnaha raraunga
Dr Kim Southey presenting at the He pounga waihoe nā ō mātua symposium, Te Atawhai o te Ao (Independent Māori Institute for Environment and Health; photo supplied)
Kāore i tua atu i te raraunga mō te whakatau kōwhiringa i ngā wāhanga katoa o te ao pāpori me te ao ōhanga, pēnei rawa i ngā wā o te hē me ngā tau tukuroa. He tairaru ā-whare tō Aotearoa, e kōkiritia ana e te popono me ngā take whakarato, me te aha ko te Māori e kaha whakaahuatia ana ko ia te hunga matea nui ā-whare, hunga putanga korekore. He pitomata whai hua mō te Māori ka arataki i ngā tauira aronga hou mō te whakawhanake whare mā ngā ara whakahaere raraunga ka whakaatuhia ngā tini mātauranga me ngā tirohanga rerekē e aro ana ki ngā painga me ngā rongoā torowhārahi. Ka aro tēnei kaupapa rangahau ki te mahi tahi ki ngā hapori Māori, ki ngā kaituku whare Māori e waihanga tahi ai i tētahi tauira o te mana whakahaere i te raraunga Māori mō te whare, ka whakamahia ai te mātauranga Māori hei tārai i ngā pūnaha raraunga. Ka taea ngā ara raraunga ā-whare onāianei te whakarākei kia whakaatu ai i ngā wawata ā-whare o te Māori, ā, kia whakahou i ngā pūnaha raraunga e ārahina ana e ngā mātanga ā rohe me ngā wheako whaiaro, ka tāraia ngā tikanga me ngā tukanga raraunga i runga i te tautoko i ngā whare pai me ngā whakatau kōwhiringa mō ngā whare tūmatanui.