Te pānga o te mate ki te tūmataitinga me te mana – te hono i te ture Pākehā me te tikanga Māori

Published on 7 November whiringa-ā-rangi 2024

I te kēhi Ellis v R. o te tau 2022, i whakaūngia e Te Kōti Mana Nui ka taea e te tikanga Māori te whakamōhio i te hanga i te ture (te ture i hangaia e ngā kōti) i Aotearoa. Nā te whakamana a Te Kōti Mana Nui i te tikanga i hira ai te kēhi o Ellis, engari i ara i tēnei tētahi pātai hira hou: e hia te roa e ora tonu ana te ingoa me te mana o te tangata i muri i tōna matenga, ka mutu me tiaki tonu te ture i a ia?

Kua whakawhiwhia a Ahorangi Moreham, Mihiata Pirini me Natalie Coates ki tētahi Tahua Marsden hei tūhura me pēhea te whiri tahi i te ture me te tikanga hei whakautu i tēnei pātai. E kī ana te tikanga ka ora tonu te mana o te tangata i muri i tōna matenga, ā, ka ora tonu i roto i tōna whakapapa, whanaungatanga hoki. Ka whakahaere wānanga a Ahorangi Moreham me tōna rōpū ki te kōrero mō te takahuri o te mate i te mana me tōna pānga ki te tikanga, ā, ka āta tirotiro hoki rātau he pēhea te wero a nga kēhi Pākehā e pā ana ki te hunga mate i te aronga noa ki te tangata takitahi i roto i te ture.

Ka puta i tēnei kaupapa auaha ko ngā māramatanga o ngā tikanga o te ture me ngā tikanga, me te whakaatu me pēhea te whakakotahi i ēnei ao e rua kia tino mau ai te mana i muri i te matenga. Mā tēnei, ka whakarite tēnei mahi ngātahi i tētahi o ngā wero ā-ture hira onāianei o Aotearoa: te whakatau me pēhea te mahi tahi a te ture Pākehā me te tikanga Māori.

Associate Investigators Mihiata Pirini and Natalie Coates (photos supplied)