Te mārama ki ngā āhuatanga kōkuhu o te heke pūtau kōpū
Ka pā te heke pūtau kōpū ki tētahi pānga riterite nui o ngāi Aotearoa, engari he uaua tonu te tūtohu me te rongoā. Mā te tūhura i ngā āhuatanga kōkuhu o ngā pūtau o te kōpū, e manako ana a Dr Rachael Wood, nō Te Whare Wānanga o Waitaha, ki te tohu i ētahi ara hou hei whakahaere i tēnei mate waimaero
Published on 2 Whiringa-ā-rangi November 2023
He mate rongoā-kore te heke pūtau kōpū ka hua ake i te wā ka whanake mai he momo pūtautau e ōrite ana ki te kiri o te kōpū i waho o te kōpū, hei tauira, ki ngā wharekano, ngā pūkākano rānei. Ka hua ake ko te waimaero, te ruhi me te paipairuaki, waihoki te hekenga o te matahua. Ahakoa ka pā ki te 10% wāhine (me ērā i tohua hei wahine i te whānautanga mai) i Aotearoa, kāore tonu i te mārama tēnei mate, waihoki he uaua te rongoā.
I tana rangahau tōmua hirahira, kua hura a Dr Wood i te ōrite o ngā pūtautau kōpū ki ngā āhuatanga kōkuhu o te mate pukupuku. Nā, mā tana takuhe Fast-Start nā Te Pūtea Rangahau a Marsden, e manako ana ia ki te whakatau i tā te pūtautau raweke i tana taiao hei kaupare i te kōkuhunga. Ka ine a Dr Wood rātou ko tana tīma i ngā āhuatanga o ngā pūtautau kōpū hauora, me ngā pūtautau kōpū whai mate. Ka whakamahia ēnei inenga ki te hanga i ngā tauira pūtautau hāpia ahutoru kia whakamahia i roto i ngā mahi whakamātautau. Mā te mātai i tā ngā pūtau hauora me ngā pūtau whai mate whai wāhi ki ngā tauira pūtautau kē, e manako ana rātou kia mārama kē atu ki te pānga tuatahi me te whanaketanga o te heke pūtau kōpū, ā, te whakatairite hoki ki te mate pukupuku.
Immunofluorescent images of non-invasive cells (mouse myoblast cell line C2C12), human endometrial cancer cells (EM-E6/E7/TERT), and human ovarian endometriosis cells (iEc-ESCs) showing how endometriosis cells invade further and faster than cancer cells (scale bar = 1 mm; photo: supplied).
Ka āwhina tēnei kaupapa ki te tūhura i tā ngā āhuatanga o te kiri, pēnei i te kōpā, pā, pāngia anō hoki e te kōkuhunga o ngā pūtau kōpū. I te mutunga iho, ka āwhina pea tēnei mātauranga ki te tūtohu i ngā rautaki rongoā mō te heke pūtau kōpū, hei painga mō te tini tāngata.