Te noho ki te nohoanga: He aha te take ka kitea anake tētahi huakita rata ki te wera i konei?
Ko te ui a Ahorangi Tuarua Matthew Stott o Te Whare Wānanga o Waitaha he aha e matomato ai tētahi momo huakita he tepe ki ētahi momo āhuatanga kōanga wera i Aotearoa engari kaore e kitea ana i wāhi kē
Published on 3 Whiringa-ā-rangi November 2022
Mā te taratahi ā-whenua ka taea te kunenga mai o ētahi momo rauropi hou. Ka tipu ngā āhuatanga ki ētahi momo e taea ai te heke me te tipu kia hua ki ngā wāhi whānui o te ao, ā, ko ētahi he noho anake (taketake) ki ngā wāhi tauwhāiti. Ko te whakaaro pea ka kitea noatia te taketaketanga i waenga i extremophile - he huakita me te moroiti e noho ana i ngā nohoanga mutunga mai pērā i ngā waiariki, me ngā kōwhāwhā o ngā puia - engari tino rerekē te taketaketanga moroiti. Ko ngā āhuatanga pērā i ngā kiato taupori, ngā auau tipu tere, ā, nā te kaha ki te noho taharangi mō te wā poto ka māmā noa te tuari haere a te huakita i roto i te wā me te takiwā. Kei roto hoki i te pūnaha puia taratahi rawa o te ao, a Maunga Erebus i te Kōpaka Runga, kei roto i te rauropi papa ko ngā moroiti e kitea noatia ana i te ao i kawea mai e ngā pahūtanga puia nui.
Champagne Pool, Waiotapu, Rotorua. Photo: Matthew Stott.
Nō reira ka ohorere, i te kitenga a Ahorangi Tuarua Stott rātau ko ana hoa mahi i tētahi puninga , te Veneivibrio, i nā tata nei ehara konei te momo moroiti matomato rawa puta noa i ngā waiariki i Aotearoa, kāore e kitea i wāhi kē. Nā ngā momo pāmahana, āhuatanga matū, me te waikawatanga o ngā waiariki o Aotearoa, ka tū pakari te huakita i roto i ngā tūmomo āhuatanga taiao, ā, māmā noa te heke i ngā tawhiti poto noa. Ko te mea rerekē, ko tōna puninga tuahine, te Sulfurihydrogenibium, he rite ōna āhuatanga ā-tinana whānui, kei te kitea noatia i ngā waiariki o te ao. He aha ngā mea whakatepe i te Venenivibrio ki ō tātau motu?
Mā tēnei Tahua Arowhānui a Marsden, ko te whai a Ahorangi Tuarua Stott me tōna rōpū kia mārama he aha i taketake ai te momo rauropi moroiti Venenivibrio ki Aotearoa. Ka tūhuratia e rātau ngā pātai pērā i tēnei: he pēhea te tuari paetata te Venenivibrio? Kāore i te whai i ngā āhuatanga kia ora ai i ngā hekenga tawhiti? He ahurei ngā waiariki o Aotearoa e whirinaki ai te Venenivibrio, engari kaua te Sulfurihydrogenibium? I te taha o Ngāti Tahu-Ngāti Whaoa (te mana whenua o te momo aho), ko tā rātau e whai ana he ako he aha e hira ai tēnei momo taonga, ā, me pēhea te tiaki mā te mana raraunga, te whakahaere me te kaitiakitanga.