Ngā kāinga whakamahi i ngā hana o te rā: He aha ngā mea e kōkiri ana i te whakamahi i te pūtau kōmaru i Aotearoa?
Kua whakawhiwhia a Tākuta Yvonne Matthews, o Taihoro Nukurangi (NIWA) ki te takuhe Tahua Tīmata-Wawe a Marsden kia mārama ai ki ngā mea e whakahau ana i ngā tāngata me ngā hapori ki te whai i ngā hangarau pūtau kōmaru
Published on 3 Whiringa-ā-rangi November 2022
Kua tino nui ake te whakamahi i ngā pūtau kōmaru puta noa i te ao, e whakawhiti ana i ngā hana o te rā ki te hiko, i roto i te 4.5 tau kua hipa. He mea nui te pūngao kōmaru hei whakaiti i ngā tukunga waro o Aotearoa, e ai ki tērā i tohua i te roto i te mahere 2021 a He Pou a Rangi. Ahakoa tēnei, e pōturi tonu ana te whai i ngā hangarau kōmaru i Aotearoa i te taha o ētahi atu whenua – 0.47 % anake o ā tātau hiko katoa nō te kōmaru. Kāore e kore kei te anamata o te pūngao ko ngā hangarau kōmaru, nō reira he mea nui kia mārama he aha te āhua o te whakamahi hei whakarite ka tino whai kiko tā tātau whakamahi. Kia tutuki ai tēnei, me mārama ai tātau ki ngā mea rikarika ai te tangata kia nui ake te whakamahi i te kōmaru. Ka ara ake i tēnei ngā momo pātai hira katoa: He aha ngā mea e whakahau ai i ngā tāngata me ngā hapori ki whakamahi kōmaru? Ka whakarei ake, ka whakararu rānei ngā kaupapahere onāianei i te whakamahinga kōmaru? Ka pēhea te ōrite o te whakamahi? Kotahi te mea kei te mārama: mēnā kei te hiahia tātau ki te whakatutuki i ō tātau whāinga āhuarangi, he mea waiwai te whai rangahau atu anō mō te whakamahi kōmaru.
Ka ruku ki tēnei kaupapa Tahua Timata-Wawe a Marsden, e ārahina ana e Tākuta Yvonne Matthews, ki te tirotiro he aha ngā mea whakahau me te whakatiki i te whakamahinga o te kōmaru mā te tātari i ngā raraunga mai i ngā kaiwhakamahi raraunga me te whakamahi i ngā tauira ōhanga whanonga tino hou rawa kia mārama ai ki te āhua o ngā whakatau a ngā tāngata me ngā hapori ki te whakamahi, ā, he aha ngā āhuatanga e whakahau ana i ngā whanonga ā-pūngao o te tangata ina whakaae rātau ki te whakamahi kōmaru. Ka whai kiko te tātari i ngā whanonga ka kitea – e mōhio ana ka oti ngā whakatau mā ngā wheako me ngā āhuatanga pūtea tūturu a te tangata.
Ka kōrero te rōpū ki ngā tāngata o te hapori, pērā i ngā kaiwhiwhi i te Māori Housing Renewable Energy Fund, e tuku ai i tētahi tirohanga Māori mō te whakamahi i te pūngao kōmaru. Ka hangaia he utauta pāhekoheko, e taea ai te tangata te tirotiro ngā utu, ngā rautaki whakahaere pūngao, ngā hangarau tautoko, me ngā kaupapahere kōmaru ka taea. Ko ngā otinga ka puta i tēnei mahi ka taea te tautoko ngā wāhanga ōhanga pūngao hira, ngā ōhanga whaonga, me te kaupapahere pūngao, ā, kia pai hoki ngā rā e heke iho.