He taonga mō ngā tāngata katoa o Aotearoa? Kei te pēhea te haere a te Māori i roto i te puāwaitanga o te reo?

Published on 3 Whiringa-ā-rangi November 2022

He maha ngā mātanga reo Māori kua kī he mea waiwai te rautaki o te whakatūturu i te reo Māori mō te ora o te reo. Nā te whakapau kaha ki te whakatūturutanga, kua tino nui rawa atu te whai a te hunga tauiwi i te reo. Engari, kei te puta ake ngā pānga ā-hinengaro kino mō te oranga o te Māori, ā, kei te kitea haerehia ēnei i te whiwhi hōnore a ngā tauiwi mō te whai me te me te whakamahi i te reo. Ko ngā tauira ko te kaikōrero matatau i te reo, te Tino Tangata o Aotearoa mō te Tau 2020 a Jennifer Te Atamira Ward-Lealand, te pūkōrero o te ao pāpāho me te kaitaunaki i te reo a Jack Tame, me te waiata a te kaiwaiata rongonui o te ao a Lorde i whakamāoritia. 

Ko te mea hira, he rerekē ngā hononga o te Māori me te Pākehā (tauiwi) ki te reo. Hei taonga tuku iho, ko te pānga o te reo o te Māori ko te hono ki te whenua, he mana ki te kōrero mō ngā take whānau/hapū/iwi, me ngā tika e pā ana ki ngā tōrangapū o te marae. Engari, he iti iho te 20% o te Māori ka tino taea te kōrero Māori, ā, ki ētahi Māori kei te mahue rātau ki muri i ngā mahi whakarauora onāianei, hei tā rātau kei te aro kē atu ngā kaha ki te toro, te kōrero me te whakamahi a te Pākehā i te reo Māori. Kua whakawhiwhia a Tākuta Kiri Dell ki te takuhe Tīmata Wawe a Marsden hei tātari i te oranga o te Māori e pā ana ki ngā mahi mō te whakatūturu i te reo, te titiro ki te whakamahi a te ao pāpāho e mārama ai ki te rerekē haeretanga o ngā hononga Pākehā-Māori. 

Dr Kiri Dell, Waipapa Taumata Rau the University of Auckland. Image: Supplied

Mā te whakamahi i tētahi tikanga ahurei e kīia ana ko te Kaupapa Māori Discourse Analysis (KMD), ka tātari a Tākuta Dell i ngā pāpāho tino nui, tae atu ki te pāpāho pāpori. Ka tirotiro ia ki ngā kōrero tautoko me te whakahē, i tuhia e ngā kaituhi maha, e urupare katoa ana rātau ki ngā pūrongo tūmatanui o te whakamahi a ngā Pākehā me ngā tauiwi rongonui i te reo. Ka āwhina tēnei tātari i a Tākuta Dell me tōna rōpū kia mōhio ai he pēhea te hanga me te pupuri i ngā tuakiri Māori e pā ana ki te reo me te whai pānga ki ō rātau whakaaro ā-hinengaro, ā-ngākau hoki, ngā whenako, me te oranga whānui. Ka whakamōhio anō ngā uiui i te mārama o te maha o ngā tuakiri reo, e taea ai e ngā kairangahau te paihere anō i ngā reo Māori. I roto i te iwi whānui ko te ahurea Pākehā te mana nui, ko te rongo me te hāpai i te oranga o te hunga nō rātau te reo e whakanuitia ana, tētahi mahi hira i roto i te whai kia tūturu ai te noho a Aotearoa hei whenua ahurea-rua, reorua hoki.