Ka kitea, ka rongohia: Te mārama he pēhea te whakapeto, te hanga me te tuari pāpāho a ngā kōtiro i Aotearoa
I te ao pāpāho o ēnei rā, ka whai wāhi ngā kōtiro ki ngā tāngata hau tino rongonui ka pōhēhē pea he tauira rātau mō te āhua o te whai wāhi ki te ao pāpāho tuihono, engari ka whai pānga anō ki te nonotitanga me te tūkinotanga - he pēhea tā rātau wherawhera i ēnei wheako rerekē? Kei te rapa a Tākuta Kyra Clarke o Te Kunenga ki Pūrehuroa mō tēnei
Published on 3 Whiringa-ā-rangi November 2021
Kātahi ka uaua rawa atu tēnei pātai ina whakaaroaro ana ehara i te mea ka whakapeto anake ngā kōtiro i ngā pāpāho tuihono, engari ka tuari, ka hanga pāpāho anō rātau mā ngā āhuatanga rerekē. Kei ia wāhi tuihono ka taea te whakaputa i ō rātau ake āhua whaiaro me te whakawhitiwhiti, ā, me te rāhui i ētahi atu. Ka wherawhera haere ngā kōtiro i ēnei pūhara, e whakariterite i ngā wa me ngā wāhi e tau ai ō rātau wairua, e whai reo ai rātau, ā, e aukatihia ai rātau. Ki tōna whānuitanga, kei te tukutahi te ahu a ngā kōtiro i te ao matihiko, ā, kei te ahutia anō rātau. Nā te āhua o te whai wāhi o ngā kōtiro ki ngā ao tuihono, ā, he pēhea ō rātau whakaaro mō tō rātau hono ki ēnei wāhi, ka puta ngā pātai mō te kirirarau ahurea e tino hira ai i roto i tētahi ahurea pāpāho aowhānui.
Whakaahua: Priscilla Du Preez on Unsplash
Ko te Seen and heard te rangahau matawhānui o te whakapeto, hanga, me te tuari i te pāpāho i Aotearoa. I tēnei Kaupapa Tīmata Wawe a te Pūtea Marsden, ko te whai a Tākuta Clarke kia mārama ia ki ngā tikanga pāpāho a ngā kōtiro 14 ki te 15 tau me ngā taiohi kanorau ira tangata i Aotearoa, e aro ana ki ā rātau tirohanga. Ka whiria ngātahitia ngā rātaka matihiko, ngā rōpū arotahi, ngā uiui me ngā awheawhe auaha me te whai wāhi o ngā kōtiro, e whakawhānui haere ana i tētahi tirohanga whānui o ā rātau tirohanga o te whai wāhi ki te pāpāho. Heoi, ka hangaia ngā aratohu me pēhea te waihanga i ngā wāhi tuihono tuwhera.