Te kite a te wheke: kāore i te tino mārama ki tērā i pōhēhētia
Ka wetewete a Tākuta Misha Vorobyev o Te Whare Wānanga o Tāmaki Makaurau i ngā mōhio huna mō te kite ā-tae i roto i ngā wheke. Ka whakahaerehia e ia ngā whakamātautau kia mōhio ai he pēhea te wehewehe a ngā wheke i te tae me te kanokano ahakoa ko te whakapae he matapō ā-tae
Published on 7 November 2019
He tino kaha ngā wheke ki te kirihuna mā te whakaatu i te tae tinana me te hanga ki te tae me te kanokano i te takiwā. He hautoru o ngā weu ioio mai i tētahi roro wheke kei te tūhono ki ngā pāti hurihuri tae kei te kiri o te wheke. Mā tēnei ka taea e te wheke tōna āhua te huri inamata. I tua atu i tēnei, he uaua motuhake ō ngā wheke kei rō kiri e taea ai te kanokano ahunga toru te huri mai i te maheni ki te taratara. Ko te mea mīharo, ahakoa te koi o te kite, kotahi anake te kano ā-kite o ngā karu o ngā wheke, nō reira ko te tikanga me matapō ā-tae.
Dr Misha Vorobyev. Photo: supplied
Kua whakawhiwhia a Tākuta Misha Vorobyev ki tētahi takuhe mai i te Pūtea Rangahau a Marsden hei rapu i te māramatanga mō tēnei kōrero o te kite a te wheke - he pēhea te whakaōrite a tētahi kararehe matapō ā-tae i tōna tinana kia hāngai ki tōna takiwā mēnā kāore e taea te kite aua tae? Ka whakahaerehia e Tākuta Vorobyev ētahi whakamātautau hei āta tirotiro mēnā ka taea e ngā wheke te tāupetanga tae te kite i te taiao mā ngā āhuatanga i tua atu i te kite tae hāngai. Kaua ko ngā tae ake, ka taea te kite ngā roangangaru rerekē o te mārama mā te hakoko tūrama, he rongo rānei i te pūahoaho o te takiwā, e hono atu ai ki te tae? Tērā rānei, ka whiwhi mōhiohio ngā wheke mō te tae mai i te pitoruatanga o te mārama i te mea he kite ngā karu i te pitoruatanga? Ka whakamātau ngā whakamātautau rerekē a Tākuta Vorobyev i ēnei whai wāhitanga, i tua atu i ētahi atu, i roto i tēnei rangahau tino whānui.
I tua atu i te wetewete i te kōrero huna o te matapō ā-tae o te wheke, ka āwhina te rangahau a Tākuta Vorobyev i ngā tohunga pūtaiao kia mārama ai ki ngā hononga kunenga i waenga i te kite me ngā tauira tinana o te kararehe.