Pūmahara i roto i ngā kapua – tika tonu
Kei te whakahaerehia e Tākuta Gilles Bellon o Te Whare Wānanga o Tāmaki Makaurau i ngā rangahau hei takahuri i ō tātau mōhio mō te āhua e whakaawetia ana ngā tauira āhuahira e ngā hanganga kapua tiketike pāpaku pārūrū.
Published on 5 November 2019
E urupare ana ngā hanganga kapua ki ngā huringa o te hau, pāmahana me te takawai. Ko tētahi kitenga whakaongaonga hou he 'pānga pūmahara' tō ngā hanganga kapua ki ngā huringa paetata i roto i ngā āhuatanga huarere, ā, ko te mea tino ohorere, ki ngā huringa ki te hau i ngā tawhiti tino nui. Ko te pānga o ēnei pānga pūmahara ki te hanganga kapua me ngā tauira āhuarangi ā-ao te aronga o te kaupapa a Tākuta Gilles Bellon e tautokona ana e Te Pūtea Rangahau a Marsden.
Dr Tra Dinh (left) and Dr Gilles Bellon (right). Photo: supplied
He wāhanga hira tō ngā hanganga kapua tiketike pāpaku pārūrū i roto i te whakamātao i te ao, ā, e tohu ana pea i tētahi pānga whakangāwari nui ki te whakamahanatanga o te ao. Ahakoa te hiranga, kāore i te tino tika ngā tauira āhuarangi onāianei mō te whakaawenga o ngā kapua pāpaku me ngā urupare hāngai ki te pikitanga o te pāmahana nā te huringa āhuarangi. Nō reira, mā te tino mārama ake ki ngā kapua pāpaku pārūrū me te whakapai ake i te whaihanga i roto i ngā tauira te mea nui rawa mō te hapori whakatauira-āhuahira. Ka whakamahia e tēnei rangahau ngā raraunga huarere i te taha o te puna mātauranga Māori mō ngā kapua me te huarere. E hoki ana ēnei mātauranga ki te ao whakatere moana o te Māori, ā, he mea tuku ā-waha i roto i ngā reanga mai i rā anō. Ka whakahiato a Tākuta Bellon i te mātauranga Māori me ngā mōhio pūtaiao o te ao Pākehā mō te huarere me te āhuarangi hei waihanga i tētahi tauira āhuarangi tika ake.
Ka taea pea e ngā hua hou mai i tēnei mahi te tino whakapai ake i te tino hāngai me te tika o ngā matapae huarangi. Ka hāngai tēnei ki ngā taupori paetata me te āwhina i te toitūtanga o te ao.