Explore as a

Te wetewete i te hono mai i te whakamamae whaiaro me te whakamomori

Image: Youth Wellbeing Study and Ant Sang

Kei te tūhura a Ahorangi Marc Wilson o Te Whare Wānanga o Te Ūpoko o Te Ika a Māui mēnā ko te mutunga atu o te whakamamae whaiaro ko ngā whakaaro me ngā whanonga whakamomori, tētahi kē rānei, mō ngā taiohi o Aotearoa. Ka āwhina tēnei rangahau kia pai ake tō tātau mārama ki te whakamomori, he pūtake nui o te mate o te hunga 15-29 tau i Aotearoa me te ao.

Published 8 November 2018

 

Marc Wilson Edited profile2

Dr Marc Wilson (Photo: provided)

He haurua o ngā taiohi o Aotearoa he whakamamae i a rātau anō, pērā i te haehae, engari ehara i te whakamomori. Ko tō tātau whenua tētahi o ngā whenua e tino kitea nuitia ana te whakamomori o te taiohi i te ao taepū katoa, ka mutu e tino pākia ana ko te Māori me te Pasifika. Ko te whakamomori te pūtake tuarua o te mate mō te hunga 15-29 tau i te ao, ko te aituā waka kei mua. E ai ki ngā rangahau ka tohu ngā whakaaro me ngā whanonga whakamamae whaiaro i ngā whakaaro me ngā whanonga whakamomori. Engari, kāore i te tino mārama ki te hono kōkau i waenga i te whakamamae whakamomori-kore me te whakamomori.

Kua whakawhiwhia a Ahorangi Marc Wilson o Te Kura Mātai Hinengaro o Te Whare Wānanga o Te Ūpoko o Te Ika a Māui ki tētahi takuhe Pūtea a Marsden ki te aromātai he aha e tahuri ai te maha o ngā taiohi ki te whakamamae i a rātau anō, ā, mēnā he 'tomokanga' te whakamamae whakamomori-kore ki ngā whakaaro me ngā whanonga whakamomori, tētahi ki kē rānei. I taha o tōna rōpū tohunga hinengaro me ngā kairangahau, ka whakahaerehia e ia tētahi rangahau whāroa i ngā ākonga kura tuarua. Ka uiuitia e te rōpū ngā taiohi 2,000 i ia tau mō ngā whakaritenga o te whakamamae whaiaro, ngā whakaaro whakamomori me ngā āhuatanga tautoko pea pērā i te kiritau, te kaha o ngā whanaungatanga, me te whai i te painga rawa atu. Ka tirotiro anō te rōpū i te hono i waenga i ngā tohu hinengaro o te ahotea (pērā i te aronui ki te mamae, te mahinga a te repe taiaki, me te taurangitanga kapa manawa) me ngā whakaaro me ngā mahi whakamamae whaiaro, whakamomori hoki/rānei.

Koinei te rangahau whāroa tuatahi i te ao ki te whakamātautau mēnā ka neke atu te whakamamae whaiaro ki te whakamomori, mēnā ko tētahi kē rānei te mea tika. Ka āwhina ngā hua ki te whakautu i ngā pātai nui mō te whakamamae whaiaro me te whakamomori – ngā pūtake me ngā mutunga iho i waenga i ngā taiohi o Aotearoa – me te whakarite i ngā whakataunga pai ake mō ngā taiohi noho mōrearea.

 

YWS Team2

The Youth Wellbeing Study team, from left: Maddie Judge, Jessica Garisch, Lynne Russell, Kealagh Robinson, Emma-Jayne Brown, Angelique O'Connell, and Marc Wilson (Photo: provided)