Te haruru rangatahi: te āhua o te whakatinana a ngā rangatahi o Aotearoa i ngā tūmanako

Published 2 November 2017

E pā mai ana te huringa āhuarangi, te tipu o te rerekētanga ā-ōhanga, me te pāhekeheke o te tōrangapū, ko te āhua nei he kapua pōuri e iri ana ki te anamata. He roa ake te pānga mai o ēnei whakapātaritari ki te hunga rangatahi me ngā pānga, ā, kua kitea i ēnei pōtitanga nei me ngā kaupapa pāpori te aranga ake anō o te urunga mai o te rangatahi me ngā mahi werowero kaupapa puta noa i te ao. E kīia ana ko te ‘haruru rangatahi’ te kaupapa i tere ara ake a Jacinda Ardern, koinei tētahi tauira hira. I tēnei horopaki, he mana nui tonu te tūmanako mō ngā huringa pāpori hei whakakipakipa i ngā mahinga tōrangapū.

Ka hōpara a Ahorangi Tuarua Karen Nairn o Te Kura Akau Taitoka o Te Whare Wānanga o Otāgo  i te āhua o te whakatinana a ngā rangatahi o Aotearoa i te tūmanako mō ngā  huringa pāpori mā tētahi Pūtea Marsden hou. Otirā, ka hōpara ia i ngā mea e whakahihiri ana i te hunga rangatahi ki te whakauru ki ngā rōpū me ngā kaupapa pāpori, ā, he aha ngā mea e pupuri ana i a rātau. Mā te mahi tahi me te hunga 18 ki te 29 tau o Aotearoa e aro ana ki te tōrangapū mā ngā uiui, mātakitaki me te pāpāho pāpori, ka tūhura a Ahorangi Tuarua Nairn i ngā take e ai ki ngā rangatahi he tino kōhukihuki, ō rātau matakitenga anamata, me ō rātau whakaaro mō ngā āhuatanga whaitake rawa e puta ai ngā huringa.

He whānui ngā rangahau mō ngā whakaraerae me ngā whakapātaritari e pā mai ana ki te reanga onāianei, me te pakari o te rangatahi ki te tūtaki i ngā uauatanga. Heoi, he tokoiti noa te hunga kua tirotiro ki te hiranga o te tūmanako hei take tino whakahihiri i ngā mahi mahinga pāpori me te tōrangapū. Mā tēnei, ka werowero tēnei kaupapa i ngā whakapae mō te rangatahi he muhumuhua, ngākau-kore, kaiapa hoki. Ka whakaaturia te tūmanako me ngā matakitenga mō te anamata e āta whāia ana e te hunga rangatahi i Aotearoa – ō tātau rangatira o āpōpō.